Bakı. 23 fevral. REPORT.AZ/ Gürcüstan prezidenti Georgi Marqelaşvili Ukraynalı həmkarı Pyotr Poroşenkonu Gürcüstana dəvət edib. "Report" Gürcüstan prezidenti administrasiyasının mətbuat xidmətinə istinadən xəbər verir ki, Georgi Marqelaşvili Kiyevə səfəri çərçivəsində ukraynalı həmkarı Pyotr Poroşenko ilə həm təkbətək, həm də geniş formatda görüş keçirib. Tərəflər ikitərəfli münasibətlərdə ən aktual məsələləri müzakirə ediblər.
Prezident administrasiyasının mətbuat xidmətinin məlumatına görə, Georgi Marqelaşvili Ukrayna prezidentini Gürcüstana dəvət edib. Buna cavab olaraq Pyotr Poroşenko bildirib ki, imkan yaranan kimi mütləq Tbilisiyə səfər edəcək.