Bakı. 21 may. REPORT.AZ/ Ermənistanda elektrik enerjisinin qiymətinin bahalaşmasına etiraz olaraq aksiya keçiriləcək.
"Report" xəbər verir ki, bu haqda Ermənistan KİV-i məlumat yayıb.
Xəbərə görə, "Qaranlıq saatlar: İki saat elektrik enerjisindən istifadədən imtina edirik!" adı altında etiraz aksiyası "facebook" sosial şəbəkəsi vasitəsilə təşkil edilir.
Aksiyanın mayın 25-də axşam saat 21.00-dan 23.00-dək keçirilməsi nəzərdə tutulub. Etiraz tədbirinin təşkilatçıları hesab edir ki, 2 saat ərzində "Ermənistan Elektrik Şəbəkəsi"nə minlərlə dollar ziyan dəyəcək.
Qeyd edək ki, bahalaşacağı halda elektrik enerjisinin bir kvt/saat-nın qiyməti 10-12 sent olacaq.