Ermənistan AES-in fəaliyyəti dayandırılır

Bakı. 14 sentyabr. REPORT.AZ/ Ermənistanın Metsamor Atom Elektrik Stansiyası (AES) plan üzrə təmirə dayandırılacaq.

"Report" Ermənistan KİV-ə istinadən xəbər verir ki, bunu stansiyanın direktoru Movses Vardanyan bildirib.

Onun sözlərinə görə, AES-də təmir işləri sentyabrın 20-də başlayacaq: "Təmir işləri 61 gün, noyabrın 20-də davam edəcək. Bu tarixdən sonra yenidən istimara veriləcək ".

Xatırladaq ki, Azərbaycan və Türkiyə rəsmiləri, ictimai təşkilatları Ermənistan AES-in bölgəni radioaktiv tullantılarla çirkləndirdiyini dəfələrlə bildirib və stansiyanın bağlanmasını beynəlxalq təşkilatlardan tələb ediblər.

Qeyd edək ki, bu ilin əvvəlində Rusiyanın ayırdığı 270 milyon dollar məbləğində kreditin və 30 milyon dollarlıq qrantın hesabına 2017-ci ilin yazında AES-in əsaslı təmir üçün 3-4 ay müddətinə dayandırılacağı haqda məlumat yayılmışdı.