CHP sədri ölkə prezidentinə qarşı bütün məhkəmə iddialarını geri götürəcək

Bakı. 1 avqust. REPORT.AZ/ Türkiyənin əsas müxalifət partiyasının lideri ölkə prezidentinə qarşı bütün məhkəmə iddialarını və şikayət ərizələrini geri götürür. 

"Report" "Hurriyet"ə istinadən xəbər verir ki, Cümhuriyyət Xalq Partiyasının (CHP) sədri Kamal Kılıçdaroğlu prezident Rəcəb Tayyib Ərdoğanın müxalifət liderləri ilə bağlı addımından sonra belə bir qərar verib. 

Qeyd edək ki, Türkiyə prezidenti bu gün müxalifət partiyalarının sədrləri ilə bağlı bütün məhkəmə iddialarını və şikayət ərizələrini geri götürüb.