​Çanaqqala əyalətində qəzada 4 nəfər ölüb, 27 nəfər yaralanıb

Bakı. 12 may. REPORT.AZ/ Türkiyənin Çanaqqala əyalətinin Gelibolu rayonundakı Şəhidlər Xiyabanına ziyarətə gedən turistlərin olduğu avtobusun aşması nəticəsində 4 nəfər ölüb, 27 nəfər yaralanıb.

"Report" xəbər verir ki, bu haqda Türkiyə KİV-i məlumat yayıb.

Qəzanın baş vermə səbəbi hələ ki, məlum deyil.

Hadisə yerində araşdırma aparılır.