Başqırdıstanda 12 nəfər evdə yanaraq ölüb

Bakı. 15 mart. REPORT.AZ/ Başqırdıstanın Sterlitamak şəhərində şəxsi birmərtəbəli evdə baş verən yanğın nəticəsində 12 nəfər dünyasını dəyişib.

"Report" xəbər verir ki, bu barədə Rusiya Daxili İşlər Nazirliyinin Respublika üzrə Baş İdarəsinin məlumatında bildirilir.

"Hadisə yerinə istintaq-əməliyyat qrupu gəlib. Müəyyən olunub ki, iki nəfərə məxsus olan birmərtəbəli şəxsi ev yanıb. Mənzillər Sterlitamak şəhər sakinləri 31 yaşlı kişi və 53 yaşlı qadına məxsus olub. Yanğın söndürüldükdən sonra hadisə yerində 12 cəsəd aşkar olunub", — deyə məlumatda qeyd olunur.