Avstriya Gürcüstanda səfirlik açıb

Bakı. 26 avqust. REPORT.AZ/ Avstriyanın Azərbaycandakı səfiri Aksel Vex bundan sonra ölkəsinin, həm də iqamətgahı Bakıda olan Gürcüstan səfirliyinə rəhbərlik etməyəcək.

"Report" "Qruziya-Online" portalına istinadən xəbər verir ki, Avstriya Xarici İşlər Nazirliyi Tbilisidə səfirlik açmaq qərarına gəlib.

Adıçəkilən ölkənin Gürcüstandakı yeni səfiri Arad Benko olacaq. Diplomat artıq etimadnaməsinin surətini qonşu ölkənin xarici işlər naziri Mixail Canelidzeyə təqdim edib.