Bakı. 29 aprel. REPORT.AZ/ Astanada Qazaxıstan prezidenti Nursultan Nazarbayevin inauqurasiya mərasimi keçirilir.
"Report" xəbər verir ki, Müstəqlillik Sarayında keçirilən mərasimdə xarici ölkələrin rəsmi nümayəndələri, Qazaxıstanın siyasi və ictimai xadimləri iştirak edir.
N.Nazarbayev, əlini Konstitusiyaya qoyaraq, ölkənin rifahı naminə xidmət edəcəyinə and içib.
Xatırladaq ki, aprelin 26-da keçirilən növbədənkənar prezident seçkilərində N.Nazarbayev 97,75% səs toplayıb. Onun opponentləri - kommunistlərin lideri Turqun Sızdıkov 1,62%, müstəqil namizəd Abelqazi Kusainov isə 0,64% səs toplaya bilib.