AKP və MHP liderləri arasında görüşün tarixi açıqlanıb

Bakı. 14 avqust. REPORT.AZ/ Türkiyənin baş naziri səlahiyyətlərini icra edən, Ədalət və İnkişaf Partiyasının (AKP) sədri Əhməd Davudoğlu ilə Milliyyətçi Hərəkat Partiyasının (MHP) sədri Dövlət Bağçalı arasında ölkədə koalisiya hökumətinin qurulması istiqamətində keçirilməsi planlaşdırılan görüşün tarixi açıqlanıb.

"Report"un "Anadolu"ya istinadən verdiyi məlumata görə, tərəflər avqustun 17-də Bakı vaxtı ilə saat 16:00-da ölkə parlamentində bir araya gələcəklər.

Qeyd edək ki, Türkiyədə koalisiya hökumətinin qurulması istiqamətində səylərini davam etdirən Ə.Davudoğlu Cümhuriyyət Xalq Partiyası (CHP) ilə danışıqlar nəticəsiz başa çatdıqdan sonra avqustun 13-də D.Bağçalıya görüşmək istəyini bildirib