​50 min erməni Rusiyanın "qara siyahısı"na düşüb

Bakı. 3 fevral. REPORT.AZ/ Ermənistanın 50 min vətəndaşına Rusiyaya giriş qadağan edilib.

"Report" "News.am"a istinadən xəbər verir ki, Rusiyada işləməyə getmək üçün hər gün Ermənistan Dövlət Miqrasiya Xidmətinə 40-50 nəfər müraciət edir. Qurumun rəisi Qaqik Yeqanyan deyib ki, Avrasiya İqtisadi Birliyinə üzvlüyün bu məsələyə aidiyyəti yoxdur.

Məlumata görə, adları Rusiyanın "qara siyahısı"na düşənlər RF-yə yenidən getmək üçün amnistiyanın elan edilməsini istəyir. 

Xəbərdə bildirilib ki, Ermənistan Dövlət Miqrasiya Xidmətinin binası qarşısında onlar tez-tez aksiya keçirir.