Bakı. 28 iyun. REPORT.AZ/ "Almaniyanın xarici işlər naziri, ATƏT-in fəaliyyətdə olan sədri Frank-Valter Ştaynmayer Bakıda və Yerevanda Dağlıq Qarabğ münaqişəsinin həlli yollarını müzakirə edəcək".
Bu barədə "Report"a Almaniyanın Azərbaycandakı səfirliyindən bildirilib.
Məlumata görə, iyunun 29-dan onun Cənub Qafqaza - Azərbaycan, Gürcüstan və Ermənistana üçgünlük səfəri başlayacaq.
Səfər Almaniyanın ATƏT-ə sədrliyi çərçivəsində həyata keçiriləcək.
İyulun 1-də F.V.Ştaynmayer Tbilisidə ATƏT Parlament Assambleyasının illik iclasının açılışında iştirak edəcək. Gürücstana səfərində onu Almaniyanın mədəniyyət və iqtisadiyyat üzrə nümayəndə heyəti müşayiət edəcək.