Bakı. 12 avqust. REPORT.AZ/ Fici ölkəsi Rio-de-Janeyroda keçirilən XXXI Yay Olimpiya Oyunlarında qızıl medal qazanıb.
"Report"un məlumatına görə, ada ölkəsinin aktivinə medalı reqbi-7 komandası yazdırıb.
Komanda final görüşündə Böyük Britaniyanı məğlub edib. Bununla da Fici bir ilkə imza atıb. Ada ölkəsi 1956-cı ildən qatıldığı Olimpiya Oyunlarında ilk dəfə medal qazanıb.
Fici "Rio-2016"da 56 idmançı ilə çıxış edir. Buna qədər ölkənin ən yüksək iştirakçı göstəricisi 1988-ci ildə Seul Yay Olimpiya Oyunlarında qeydə alınıb. Həmin olimpiadada Ficini 24 idmançı təmsil edib.