Bakı. 12 avqust. REPORT.AZ/ Azərbaycanı 2016-cı il Rio-de-Janeyro Yay Olimpiya Oyunlarında təmsil edən atlet Anna Skidan mübarizəyə qoşulub.
"Report"un məlumatına görə, 24 yaşlı idmançı qadınlar arasında çəkicatma növündə B qrupunda çıxış edib.
Onun 3 cəhdindən ən yaxşısı 70,09 metr olub. Digər cəhdlərində Skidan çəkici 67,05 metr və 68,98 metr uzaqlığa atıb.
Bu nəticə ilə Azərbaycan təmsilçisi qrupu 7-ci pillədə başa vurub və finala yüksələn 12 ən güclü çəkicatan sırasına düşə bilməyib.