Bakı. 20 avqust. REPORT.AZ/ Azərbaycan bədii gimnastı Marina Durunda 2016-cı il Rio-de-Janeyro Yay Olimpiya Oyunlarında finala yüksəlib.
"Report"un məlumatına görə, 19 yaşlı idmançı bu nailiyyətə fərdi çoxnövçülük yarışında imza atıb.
O, halqa, top, lent və gürzlə hərəkətlərin cəmində 70,348 xal toplamağa müvəffəq olub. Bu nəticə ilə Durunda 8-ci yeri tutub və ilk "10-luğ"a düşdüyü üçün finala vəsiqə qazanıb.