Bakı. 30 oktyabr. REPORT.AZ/ Azərbaycanda parlament seçkilərini izləmək üçün MDB missiyasından qısamüddətli müşahidəçilər Bakıya gəlməkdə davam edir.
Bu barədə "Report"a MDB-dən oln Müşahidəçilər Missiyası Qərargahının rəhbəri Yevgeni Sloboda bildirib.
"MDB-dən qeydiyyatdan keçən qısamüddətli müşahidəçilərin ümumi sayı 147 nəfər təşkil edir, son günlər ərzində artıq 80 nəfər gəlib", - Y.Sloboda qeyd edib.
O vurğulayıb ki, MDB-dən olan Müşahidəçilər Missiyasının rəhbəri, MDB-nin icraçı katibi Sergey Lebedev Azərbaycana bu gün gunorta saatlarında gələcək.
Y.Sloboda əlavə edib ki, noyabrın 1-də MDB müşahidəçiləri ölkənin yüzə yaxın seçki məntəqəsində monitorinq keçirəcək.