Saat 12:00-a seçici fəallığı ən az və ən çox olan seçki dairələrinin adları açıqlanıb

Bakı. 1 noyabr. REPORT.AZ/ Bu gün saat 12:00-a seçicilərin fəallığı ən az və ən çox olan seçki dairələrinin adları açıqlanıb. “Report”un xəbərinə görə, Mərkəzi Seçki Komissiyasının (MSK) “Seçkilər” İnformasiya Mərkəzinin müdiri Rüfət Gülməmmədov bildirib ki, seçicilərin ən az fəallığı 47 Saylı Mingəçevir Seçki Dairəsində olub: 6 737 (18,1%). Ən aktiv isə 1 Saylı Şərur-Sədərək Seçki Dairəsi olub, burada 18 180 seçici səs verib. Bu da 47,3% seçici aktivliyi deməkdir.