"Report" xəbər verir ki, Mədəniyyət və Turizm Nazirliyinin yaydığı məlumata görə, yapon musiqiçi noyabrın 19-da Azərbaycan Dövlət Filarmoniyasının səhnəsində konsert proqramı ilə çıxış edəcək.
Çisato Kusunoki Üzeyir Hacıbəyli adına Azərbaycan Dövlət Konservatoriyasının məzunu, SSRİ xalq artisti Murad Kajlayevə həsr olunmuş konsertdə çıxış edəcək. Həmçinin, yapon ifaçının Murad Kajlayevlə birlikdə Bakı Musiqi Akademiyasında və Bülbül adına Orta İxtisas Musiqi Məktəbində görüşləri olacaq.