Londonda “Azərbaycan daş sənəti” mövzusunda təqdimat keçirilib

Bakı. 27 sentyabr. REPORT.AZ/ İngiltərə-Azərbaycan Cəmiyyətinin təşkilatçılığı ilə Londonda “Azərbaycan daş sənəti” mövzusunda təqdimat keçirilib.

"Report"un məlumatına görə, təqdimatda Britaniyanın Afrika üzrə məşhur daş sənəti mütəxəssisi, bir neçə ilə əvvəl tədqiqat üçün Azərbaycana səfər edən David Coulson çıxış edib. O, çıxışında Azərbaycanın daş sənəti, onun Afrika daş sənətindən fərqli və üstün cəhətləri haqqında məlumat verib. Ekspert, həmçinin dünya mədəni irs siyahısına daxil edilən Qobustan qayaüstü rəsimlərindən bəhs edərək daş incəsənətinin əhəmiyyətini vurğulayıb. Qeyd edilib ki, qayaüstü rəsmlər keçmiş haqqında məlumat verən mədəni və tarixi mənbələrdir.