​"Zenit"in futbolçuları 1 gün yanacaqdoldurma məntəqəsində işləyiblər

Bakı. 3 aprel. REPORT.AZ/ "Zenit"in futbolçuları Aleksandr Kerjakov, Salomon Rondon, Oleq Şatov, Danni, Andrey Arşavin, Esekyel Qaray, Yuri Lodıqin xeyriyyəçilik aksiyasında iştirak ediblər.

"Report" xəbər verir ki, onlar bir gün müddətinə "Qazpromneft"in yanacaqdoldurma məntəqəsinin əməkdaşları olublar.

Kerjakov, Rondon, Şatov və Danni avtomobillərə yanacaq vurublar, qalanları isə məntəqənin yeməkxanasında xidmət göstəriblər.

Əldə olunan vəsait uşaq evinə köçürülüb.