"Xalq Sığorta" nizamnamə kapitalını artırır

Bakı. 16 iyun. REPORT.AZ/ Azərbaycan Qiymətli Kağızlar üzrə Dövlət Komitəsi tərəfindən "Xalq Sığorta” ASC-nin nominal dəyəri 4,40 manat olan 7 390 000 ədəd adi sənədsiz adlı səhmlərin buraxılışı AZ1008008505 qeydiyyat nömrəsi ilə dövlət qeydiyyatına alınıb.

"Report"un Komitəyə istinadən verdiyi xəbərə görə, emissiyanın yerləşdirilməsi "Xalq Sığorta”nın hazırkı, nominal dəyəri 4,11 manat olan 7 390 000 ədəd səhmlərinin yeni parametrlərə konvertasiyası yolu ilə həyata keçiriləcək.

Yerləşdirmə nəticəsində sığorta şirkətinin nizmanamə kapitalı 7,06% artraq 30,373 mln. manatdan 32,516 mln. manata çatdırılacaq.