Bakı. 23 yanvar. REPORT.AZ/ Dünya bazarında qızılın bir unsiyasının qiyməti 1 302 ABŞ dollarına çatıb. "Report"un xarici birjalara istinadən verdiyi xəbərə görə, 2015-ci il başlanandan sonra qızılın qiyməti ümumilikdə 10% artıb.
Qərb ekspertləri bu əlvan metalın qiymətinin Rusiya-Ukrayna münaqişəsinin pik nöqtəsində - avqustdan başlayaraq bahalaşdığını deyirlər. Avropalı şərhçilər isə qızılın qiymətinin artmasında ABŞ Federal Ehtiyat Sisteminin rolunun olduğunu və bunun məhz dolların məzənnəsinin yüksək səviyyədə qalması üçün edildiyini deyirlər.
Proqnozlar isə qızılın hələ 1 400 dollara qədər bahalaşacağından xəbər verir.