Bakı. 10 iyun. REPORT.AZ/ "Qala Sığorta" ASC baş ofisinin yerini dəyişib. Şirkətdən "Report"a verilən məlumata görə, yeni baş ofis Bakı şəhərinin Nəsimi rayonunda, Səməd Vurğun küçəsi,43 ünvanındakı "World Business Center" biznes mərkəzində yerləşir.
Xatırladaq ki, "Qala Sığorta" bu günə qədər paytaxtın Nəsimi rayonunda, Nizami küçəsi,96 ünvanındakı "Landmark" biznes mərkəzində fəaliyyət göstərib. Bundan sonra bu ünvanda şirkətin bəzi şöbələrinin qalacağı gözlənilir.
"Qala Sığorta" şirkəti "Çartis Azərbaycan" sığorta şirkətinin bazasında yaradılıb. Şirkətin 100% səhmdarı "AzRe Təkrarsığorta" ASC-dir.