Bakı. 9 sentyabr. REPORT.AZ/ "Merkuri" bank olmayan kredit təşkilatının (BOKT) cəmi aktivləri 2016-cı il yanvarın 1-nə 4,168 mln. manat təşkil edib. "Report" BOKT-un maliyyə hesabatına istinadən xəbər verir ki, bu, 2014-cü illə müqayisədə 34,1% çoxdur.
Ötən ilin yekununda "Merkuri"nin aktivlərinin 94,8%-ni və yaxud 3,951 mln. manatını müştərilərə verilmiş kreditlər təşkil edib. Bu, 2014-cü ilin yekununa nisbətən 31,5% çoxdur.
İl ərzində BOKT-un cəmi öhdəlikləri 50,6% artaraq 3,387 mln. manat, cəmi kapitalı isə 9% azalaraq 781 min manat təşkil edib.
"Merkuri" 2015-ci ili 42 min manat xalis zərərlə başa vurub. Halbuki, BOKT 2014-cü ildən 35 min manat xalis mənfəətlə çıxıb.
Xatırladaq ki, "Merkuri" MMC 2012-ci ildə yaradılıb. Onun nizanmamə kapitalı 823 min manatdır. BOKT-un təsisçiləri hər biri 50% payla Səbuhi Məmmədsani oğlu Əzizov və Təranə Qəzənfər qızı Məmmədovadır.