Bakı. 23 iyul. REPORT.AZ/ "Kapital Bank" iyulun 16-dan etibarən plastik kartların paylanması prosesinə start verib. Hazırda bununla bağlı bankın 10 Bakı və 26 regional filialı gücləndirilmiş iş rejimində fəaliyyət göstərir. Bu barədə "Report"a bankın mətbuat xidmətindən məlumat verilib.
Məlumatda bildirilir ki, artıq on minlərlə insan yalnız şəxsiyyət vəsiqəsilə "Kapital Bank"ın müvafiq filialına yaxınlaşaraq növbəlik prinsipi ilə öz ödəniş kartlarını alıb və müvafiq vəsaitləri bankın bankomatlarından nağdlaşdıra bilib: "Kartların verilməsini sürətləndirmək məqsədilə bankın müvafiq filiallarında iş qrafiki dəyişib. Belə ki, filiallar həftə içi 09:00-dan 20:00-dək, şənbə və bazar günləri isə 09:00 – 18:00-dək müştərilər üçün açıq olacaq. Gücləndirilmiş iş rejimi iyul ayının sonunadək qüvvədə qalacaq.
Qeyd edək ki,
“Bankın bu istiqamətdə keçirilmiş tenderdə qalib gəlməsi uğur olmaqla yanaşı, həm də məsuliyyət deməkdir və bizim üçün böyük şərəfdir ki, respublika əhəmiyyətli sosial layihələrin bir hissəsi ola bilirik” – deyə bankın mətbuat xidmətindən bildiriblər.