Bakı. 11 iyul.
Fiziki şəxlərin manatla əmanətlərinin həcmi iyunun 1-nə 1 447,5mln. manat təşkil edib. Bu, mayın 1-nə nisbətən 39,9 mln. manat və ya 2,83% artım, 2015-ci ilin iyunun 1-nə nisbətən isə 725,1mln. manat və ya 33,37% azalma deməkdir.
Xarici valyutada fiziki şəxslərin əmanətləri son bir ayda 158,9 mln. manat və ya 2,53% azalaraq, illik müqayisədə isə 689,9,1 mln. manat və ya 12,7% artaraq iyunun 1-nə 6 118,4 mln. manat təşkil edib.
"Report"un analitik qrupu hesab edir ki, fiziki şəxslərin əmanətlərinin azalması dolların məzənnəsinin may ayında azalması ilə bağlıdır.
"Xarici valyutada əmanətlərin 50%-lik devalvasiyaya baxmayaraq, keçən ilin analoji dövrü ilə müqayisədə manat ekvivalentində cəmi 12,7% artması bu sahədə real azalmaya işarə edir", - deyə analitiklər qeyd ediblər.