Bakı. 5 fevral. REPORT.AZ/ Bu ilin yanvar ayında Azərbaycanda 2014-cü ilin dekabrına nisbətən ərzaq məhsullarının qiymətləri 0,4% bahalaşıb, qeyri-ərzaq malları və əhaliyə göstərilən pullu xidmətlərin qiymət və tarifləri dəyişməyib, ümumilikdə istehlak mallarının qiymətləri və xidmət tarifləri 0,2% bahalaşıb. Bu barədə "Report"a Dövlət Statistika Komitəsindən məlumat verilir.
Məlumata görə, ay ərzində mal, qoyun və toyuq əti, yumurta, qarğıdalı yağı, balıq məhsulları, limon, portağal, banan, göyərti, çuğundur, kökün qiymətlərində ucuzlaşma, düyü, buğda unu, qarabaşaq yarması, kolbasa məmulatları, zeytun yağı, süfrə marqarini, alma, armud, heyva, nar, xurma, üzüm, qoz, fındığ, şabalıd, kələm, xiyar, pomidor, kartof, soğan, sarımsağ, çay, şəkər, duzun qiymətlərində isə bahalaşma müşahidə olunub.