​Dünya bazarında əksər Qərb indeksləri azalıb

Bakı. 9 dekabr. REPORT.AZ/ Dekabrın 8-də Amerika fond bazarında Dow Jones indeksi 0,92% ucuzlaşaraq 17 568,00 bənd, S&P 500 0,65% geriləyərək 2 063,59 bənd, Nasdaq isə 0,07% azalaraq 5 098,24 bənd təşkil edib.

"Report" xəbər verir ki, Avropa fond bazarlarında FTSE 100 indeksi 1,42% ucuzlaşaraq 6 135,22 bənd, Fransa CAC-40-ı 1,57% azalaraq 4 681,86 bənd, Almaniya DAX-ı isə 1,95% geriləyərək 10 673,60 bənd olub.

COMEX-də qızılın bir unsiyasının qiyməti son bir gündə 0,18% artaraq 1 074,70 dollar olub. Dünya bazarında avronun dollara qarşı məzənnəsi isə 1,0905 (+0,53%) təşkil edib.