​Dünya bazarında avro və qızıl bahalaşmaqda davam edir

Bakı. 18 mart. REPORT.AZ/ Martın 17-də Amerika fond bazarında "Dow Jones" indeksi 0,90% bahalaşaraq 17 481,49 bənd, "S&P 500" 0,66% artaraq 2 040,59 bənd, "Nasdaq" isə 0,23% irəliləyərək 4 774,98 bənd təşkil edib.

"Report" xəbər verir ki, Avropa fond bazarlarında FTSE 100 indeksi 0,42% bahalaşaraq 6 201,12 bənd, Fransa CAC-40-ı 0,45% azalaraq 4 442,89 bənd, Almaniya DAX-ı isə 0,91% geriləyərək 9 892,20 bənd olub.

COMEX-də qızılın bir unsiyasının qiyməti 5,9 dollar yaxud 0,47% bahalaşaraq 1 263,70 dollar olub. Dünya bazarında avronun dollara qarşı məzənnəsi isə 1,1310 (+0,81%) təşkil edib.