Bakı. 28 sentyabr. REPORT.AZ/ “Caspian Development Bank" (CDB) ASC-nin baş ofisi Bakı şəhəri, Nəsimi rayonu, Azadlıq prospekti,124 ünvanına köçürülüb. Bu barədə "Report"a Bankdan məlumat verilib.
Baş ofis fiziki və hüquqi şəxslərə geniş çeşiddə bank xidmətləri, o cümlədən hesablaşma-kassa əməliyyatları, kreditlərlərin verilməsi, depozitlərin qəbulu, plastik kartlarla əməliyyatlar və müxtəlif istiqamətdə pul köçürmələri xidmətlərini göstərir.
Qeyd edək ki, "Caspian Development Bank"ın baş ofisi həftənin bazar ertəsi-cümə günləri saat 09:00-dan 18:00-dək, şənbə günləri isə saat 10:00-dan 15:00-dək müştərilərə xidmət göstərir.