Bakı. 24 dekabr. REPORT.AZ/ Manatla kreditləşməni davam etdirən "Bank of Baku" ASC yeni il ərəfəsində müştərilərə bayram hədiyyəsi olaraq nağd pul kreditlərinə 3%-dək endirim tətbiq edib.
"Report"un Banka istinadən verdiyi xəbərə görə, endirim kampaniyasından dekabrın 30-dək Banka nağd pul krediti üçün müraciət edən müştərilər faydalana biləcəklər. Kredit manatla dövlət və özəl müəssisələrində çalışan şəxslərə, həmçinin Bankın təkrar müştərilərinə 5 min manatadək məbləğdə maksimum 12 ay müddətinə verilir.
Kreditin rəsmiləşdirilməsi üçün tələb olunan iş yerindən arayışı müştərilər bankdan ayrılmadan "Elektron Hökumət" xidməti vasitəsilə müraciət etdikləri filialda əldə edə bilərlər.