​"Bank of Baku" "Dostlar klubu" loyallıq proqramını bərpa edib

Bakı. 17 iyun. REPORT.AZ/ “Bank of Baku” ASC Loyallıq Proqramı çərçivəsində müştərilərinə verdiyi "Dostlar klubu" kartlarının kredit limitini bərpa edib. "Report" xəbər verir ki, artıq Bank SMS vasitəsilə müştərilərini bu barədə məlumatlandırmağa başlayıb.

Xatırladaq ki, “Dostlar klubu”na Bankla 1 ildən çox əməkdaşlıq etmiş müsbət kredit tarixçəsinə malik müştərilər daxil edilir. Klub üzvlərinə gümüş standart, gümüş, qızıl və brilyant kartlar verilir. Bu kartlarda müvafiq olaraq 100, 200, 300 və 400 manat pul olur.

Kartlardan kredit xətti kimi istifadəyə bu il yanvarın 27-dən qadağa qoyulmuşdur.