"Bank BTB" strateji planını yeniləyib

Bakı. 11 may. REPORT.AZ/ "Bank BTB" ASC yeni hesab açmaq istəyən hüquqi şəxslər və fərdi sahibkarlar üçün xüsusi tarif paketini təqdim edə bilər.

"Report"un Banka istinadən verdiyi xəbərə görə, "Bank BTB" kiçik və orta biznes müəssisələrinə manat kreditləri təklif edir.

"Bank BTB" ASC yenilənmiş strateji plana əsasən, kiçik və orta sahibkarlıq subyektlərinə müxtəlif çeşidli məhsullar və xidmətlər təklif edir: "Bank bu strateji dövrdən başlayaraq, müştərilərə fərdi yanaşma və operativ xidmətə daha çox önəm verəcək, “müştəri ilə böyümə” strategiyasını həyata keçirəcək və loyal müştəri portfelini formalaşdıracaq".