​Azərbaycanın valyuta ehtiyatları artmağa başlayıb

Bakı. 18 iyul. REPORT.AZ/ Bu ilin 1-ci yarısının yekununa görə, Azərbaycanın valyuta ehtiyatları 39 401,8 mln. ABŞ dolları təşkil edib. "Report" xəbər verir ki, bunun 89,13%-i və yaxud 35 117,9 mln. dolları Dövlət Neft Fondunun, 10,87%-i və yaxud 4 283,9 mln. dolları isə Mərkəzi Bankın payına düşüb.

Uzun fasilədən sonra bu ilin 2-ci rübündə ölkənin valyuta ehtiyatları 1,09 mlrd. və yaxud 2,85% artıb. Ötən ilin eyni dövrü ilə müqayisədə isə valyuta ehtiyatlarının həcmində 4 901,7 mln. dollar və yaxud 11,06% azalma var.