Bakı 23° C
https://static.report.az/photo/bb0d158d-8adf-4765-a4bf-8dc28a35ead5.jpg
Bakı. 13 aprel. REPORT.AZ/ "Report" İnformasiya Agentliyinin analitik qrupu Azərbaycanda fəaliyyət göstərən bank təşkilatlarının maliyyə göstəricilərinin açıqlamasını özündə əks etdirən şəffaflıq göstəricisi üzrə renkinqini hazırlayıb.
"Report"un 2016-cı il yanvarın 1-nə olan maliyyə göstəriciləri ilə bağlı sorğu anketi 25 bank tərəfindən cavablandırılıb. Digər banklar isə göstəriciləri ictimaiyyətdən gizlədib.
Belə ki, 46 sualdan ibarət sorğu anketinin bütün suallarına yalnız "Rabitabank" ASC tərəfindən cavab alınıb. Daha sonra isə məlumatların açıqlanmasında şəffaflıq göstərən banklar sırasında "Turanbank", "Zaminbank", "Parabank", "Günaybank", "Muğanbank", "Kredobank", "Expressbank", "Qafqaz İnkişaf Bankı" və "Accessbank" ilk onluqda yer alıb.
Banklar əsasən aktivlər, kredit portfeli, məcmu kapital, mənfəət, nizamnamə kapitalı, depozit portfeli, nağd vəsaitlər, gəlir və xərclərini açıqlayıb. Kredit və depozit portfelinin strukturunu isə açıqlamaqdan yayınıblar.
Hansı bankların fəaliyyətini şəffaf, hansının gizli saxlaması ilə aşağıdakı cədvəldə tanış ola bilərsiz:
| Banklar | Şəffaflıq |
| Rabitabank | 46/46 |
| Turanbank | 45/46 |
| Zaminbank | 44/46 |
| Parabank | 42/46 |
| Gunaybank | 39/46 |
| Muganbank | 30/46 |
| Kredobank | 22/46 |
| Expressbank | 20/46 |
| Caucasus Development Bank | 20/46 |
| Accessbank | 18/46 |
| ASB Bank | 18/46 |
| Ziraat Bank Azerbaijan | 18/46 |
| AFB Bank | 17/46 |
| Pasha Bank | 17/46 |
| Azer-Turk Bank | 17/46 |
| Deka Bank | 17/46 |
| Dəmirbank | 16/46 |
| Silkway Bank | 15/46 |
| Bank Melli İran-Baku | 14/46 |
| Caspian Development bank | 13/46 |
| Bank Avrasiya | 9/46 |
| Kapital Bank | 6/46 |
| Atabank | 5/46 |
| YapiKredi Bank Azerbaijan | 4/46 |
| Unibank | 1/46 |
| Nikoil Bank | 0 |
| Xalg Bank | 0 |
| Amrahbank | 0 |
| Texnika Bank | 0 |
| VTB Azerbaijan | 0 |
| Atrabank | 0 |
| NBC Bank | 0 |
| AG Bank | 0 |
| Bank of Baku | 0 |
| Bank Respublika | 0 |
| Azerbaijan İnternational Bank | 0 |
| Pakistan National Bank-Baku | 0 |
Qeyd edək ki, Azərbaycan Mərkəzi Bankı İdarə Heyətinin 27 yanvar 2016-cı il tarixli qərarları ilə məcmu kapitalın minimum məbləği tələbinə əməl etmədiyinə, kreditorları qarşısında öhdəliklərini icra edə bilmədiyinə, cari fəaliyyətini etibarlı və prudensial qaydada idarə etmədiyinə görə “Qafqaz İnkişaf Bankı” ASC və “Atrabank” ASC-nin bank lisenziyaları ləğv edilib.
