Bakı. 9 iyun. REPORT.AZ/ Cari ilin may ayında Azərbaycanda ərzaq məhsullarının qiymətləri 1,5% enib, qeyri-ərzaq mallarının qiymətləri 0,2%, əhaliyə göstərilən pullu xidmətlərin qiymət və tarifləri 0,1% artıb. Ümumilikdə, istehlak mallarının qiymətləri və xidmət tarifləri əvvəlki ayla müqayisədə 0,6% düşüb.
"Report"un
May ayında qeyri-ərzaq mallarından parçalar, geyim, inşaat materialları, mebel və ev əşyaları, məişət cihazları bahalaşıb, səsin və təsvirin qəbulu, yazılması və əks etdirilməsi üçün qurğular isə ucuzlaşıb.
Hesabat ayında əhaliyə göstərilən pullu xidmətlərdən ölkədən kənara dəmiryolu sərnişindaşıma nəqliyyatı tarifləri və beynəlxalq reyslər üzrə hava sərnişindaşıma nəqliyyatı tariflərində azalma, MDB ölkələri üzrə hava sərnişindaşıma nəqliyyatı tariflərində isə artım müşahidə olunub.
Qeyd edək ki, cari ilin aprel ayında Azərbaycanda ərzaq məhsullarının qiymətləri 0,5% artıb, qeyri-ərzaq mallarının qiymətləri 0,5%, əhaliyə göstərilən pullu xidmətlərin qiymət və tarifləri 0,9% isə düşüb. Ümumilikdə, istehlak mallarının qiymətləri və xidmət tarifləri əvvəlki ayla müqayisədə 0,2% ucuzlaşıb.