Bakı. 29 dekabr. REPORT.AZ/ Azərbaycan Mərkəzi Bankı (AMB) ölkədə fəaliyyət göstərən kommersiya bankları üçün leverec əmsalını 6%-dən 5%-ə endirib.
"Report" xəbər verir ki, AMB-nin "Bank kapitalının və onun adekvatlığının hesablanması Qaydaları”na etdiyi müvafiq dəyişikliklər bu gün, dekabrın 29-dan eibarən qüvvəyə minib.
Dəyişikliklərin bankların hazırkı çətin maliyyə vəziyyətinin normativlərə uyğunlaşdırılması məqsədilə qəbul edildiyi ehtimal olunur.
Qeyd edək ki, leverec əmsalı bankların I dərəcəli kapitalının balans aktivləri ilə balansdankənar öhdəliklərinə nisbəti kimi ölçülür. Manatın məzənnəsinin azalması ilə bankların balans aktivlərinin yüksəlməsi səbəbindən leverec əmsalı azaldığı üçün AMB belə bir qərar qəbul edib.