Azərbaycan Dövlət Neft Fondunun qızıl ehtiyatları bu il 175 mln. dollar bahalaşıb

Bakı. 4 mart. REPORT.AZ/ Azərbaycan Dövlət Neft Fondunun (ARDNF) 2016-cı ilin yanvar-fevral ayları ərzində qızıl ehtiyatlarının dollar ekvivalentində həcmi dünya bazarında qızılın qiymətində baş verən artım nəticəsində 174 626,3 min ABŞ dolları yüksəlib. 

"Report"un analitik qrupu qeyd edir ki, 2016-cı ilin ilk iki ayı ərzində ARDNF-in valyuta ehtiyatları valyuta cütlüklərində baş verən dəyişikliklər nəticəsində 131,236 mln. dollar dəyərdən düşüb. Nəticədə ARDNF-in məcmu aktivləri 2016-cı ilin yanvar-fevral ayları ərzində xalis ifadədə 43,390 mln. dollar artıb. 

"Report"un analitikləri hesab edirlər ki, qısamüddətli perspektivdə qızılın qiymətinin artacağı, dollar istisna olmaqla, Fondun investisiya portfelinə daxil olan digər valyutaların əksər hissəsinin zəifləyəcəyi proqnozlaşdırılır.