“Atəşgah” Sığorta Şirkətinin səhmdarlarının növbədənkənar yığıncağı keçiriləcək

Bakı. 15 iyun. REPORT.AZ/ “Atəşgah” Sığorta Şirkəti ASC səhmdarlarının növbədənkənar ümumi yığıncağı keçiriləcək.

"Report" xəbər verir ki, şirkətin ümumi yığıncağı iyulun 18-də olacaq.

Səhmdarların toplantısının gündəliyinə cəmiyyətin nizamnamə kapitalının artırılması məsələsi daxil edilib. 

Ümumi yığıncaq Bakı şəhəri, Nərimanov rayonu, N.Yusifbəyli pr, 75B ünvanındakı “Atəşgah” Sığorta Şirkətinin inzibati binasında keçiriləcək.