Bakı. 2 iyun. REPORT.AZ/ İtaliyanın “MicroFinanza Rating” şirkəti Azərbaycanın “Aqrarkredit” Səhmdar Kredit Təşkilatının 2015-ci il üzrə qiymətləndirmə reytinqini “Stabil” proqnozla “BB-“ səviyyəsində təsdiq edib. Bu barədə "Report"a "Aqrarkredit"dən məlumat verilib.
Qeyd edək ki, reytinq şirkəti Azərbaycan kredit təşkilatının reytinqini ilk dəfə 2015-ci ilin oktyabrında (“BB-“, proqnoz “Stabil”) müəyyən edib.
"Reytinq müəyyən edilən tarixdən 6 ay sonra İtaliya şirkəti “Aqrarkredit” üzrə yenilənmiş məlumatları bir daha təhlil edib, portfelin risk dərəcəsini və effektivliyini monitorinq edib. Monitorinqin nəticəsinə görə, “MicroFinanza Rating” şirkətinin yekun rəyində Azərbaycan kredit təşkilatının 2015-ci ildə qiymətləndirmə reytinqi yenidən “Stabil” proqnozla “BB-“ səviyyəsində təsdiqlənib", - deyə məlumatda qeyd olunub.