Bakı. 19 may. REPORT.AZ/ "Amrahbank" ASC "Contact" təcili pul köçürmələri sistemi üzərindən xidmət göstərməyə başlayıb. Bu barədə "Report"a bankın mərkəzi ofisindən məlumat verilib.
Bankdan bildirilib ki, MDB və digər ölkələrə pulköçürmə imkanları, rəsmiləşdirmənin sadəliyi, aşağı komissiya xərcləri "Contact" təcili pul köçürmələri sisteminin üstünlüklərindəndir.
"Contact" təcili pul köçürmələri xidmətindən “Amrahbank”ın bütün filiallarında faydalanmaq mümkündür. Bundan başqa, bankda "Western Union", "Zolotaya Korona", "Blizko", "Monex", "Caspian Money Transfer" sistemləri ilə də həm yerli, həm də beynəlxalq pul köçürmələri xidmətlərindən istifadə etmək mümkündür.