Bakı. 27 avqust. REPORT.AZ/ Sentyabrdan etibarən Asiya İnfrastruktur İnvestisiya Bankı (AİİB) bir sıra ölkələrin banka üzv olması ilə bağlı müraciətə baxacaq.
“Report”un məlumatına görə, bu barədə AİİB prezidenti Cin Liqun (Jin Liqun) deyib.
C.Liqunun sözlərinə görə, belə müraciətləri edən ölkələrin sayı 30-dan çoxdur və 2017-ci ilin əvvəlində bankın üzvlərinin sayı 90-a çatacaq.
Xatırladaq ki, 2015-ci il iyunun 29-da Pekində 57 ölkə AİİB-in yaradılması üçün müqavilə imzalayıb. Azərbaycanın bankda iştirak payı 0,25% (254,1 mln. dollar) təşkil edir. Azərbaycanın bu banka üzvlüyü isə bu il iyunun 24-də ratifikasiya edilib.