​“ABB-Moskva” nizamnamə kapitalını artırır

Bakı. 25 sentyabr. REPORT.AZ/ Rusiya Mərkəzi Bankı Azərbaycan Beynəlxalq Bankının (ABB) törəmə bankı olan “ABB-Moskva” MMC-nin nizamnamə kapitalının 2 110 426,650 min rubla qədər artırılması ilə bağlı müsbət qərar qəbul edib. Bu barədə “Report”a ABB-nin mətbuat xidmətindən məlumat verilib.

Məlumata görə, həmçinin bankın nizamnaməsi ilə bağlı təklifi üzrə dövlət qeydiyyatı haqqında №4-ə dəyişiklik edərək bununla bağlı müvafiq sənədlərin səlahiyyətli orqana göndərilməsi barədə qərar qəbul edilib.