Bakı. 19 sentyabr. REPORT.AZ/ "A-Qroup Sığorta" ASC-nin İdarə Heyətinin (İH) sədrinə müşavir təyin edilib. Şirkətdən "Report"a verilən məlumata görə, bu vəzifəyə Abbas Babayev gətirilib.
O, bundan əvvəl "A-Qroup Sığorta"nın İH-nin sədr müavini vəzifəsində çalışıb. A.Babayev yeni vəzifəsinə sentyabrın 1-dən təsdiqlənib.
Xatırladaq ki, bir qədər əvvəl Orxan Əfəndiyev Şirkətin sədr müavini vəzifəsinə təyin olunub.
"A-Qroup Sığorta" 1995-ci ildə yaradılıb. Onun nizamnamə kapitalı 8 005 750 manatdır. Bu məbləğ hər birinin nominal dəyəri 1 033 manat olan 7 750 səhm əsasında formalaşıb. Səhmlər 100% Sabir Adna oğlu Adnayevə (Direktorlar Şurasının sədri) məxsusdur.