Cüdoçumuz Rüstəm Orucov Türkiyədə qızıl medal qazanıb

Bakı. 28 mart. REPORT.AZ/ Türkiyənin Samsun şəhərində keçirilən cüdo üzrə "Qran-pri" yarışında Azərbaycan təmsilçisi Rüstəm Orucov ölkəsinə qızıl medal qazandırıb.

"Report" xəbər verir ki, 73 kq. çəki dərəcəsində çıxış edən həmyerlimiz finalda Türkiyə təmsilçisi Hasan Vanlıoğluya ippon fəndi ilə qalib gəlib.

Qeyd edək ki, ötən gün Azərbaycan yığmasının digər üzvü Orxan Səfərov finalda məğlub olaraq gümüş medal ilə kifayətlənib.