Bakı. 11 fevral. REPORT.AZ/ Azərbaycanın qadın voleybolçulardan ibarət "Azəryol" klubu bu gün CEV Kubokunun 1/4 final mərhələsində ilk oyununu keçirəcək.
"Report" xəbər verir ki, rəqib İtaliyanın "Novara" klubu olacaq.
Voleybol mərkəzində keçiriləcək oyuna saat 18:00-da start veriləcək. Qarşılaşmanın hakimləri almaniyalı Munir Fattah və rusiyalı İqor Porvaznik olacaq.
Cütün qalibi yarımfinalda Krasnodar "Dinamo"su və "Ştutqart" duelində qələbə qazanan komandayla görüşəcək.