Bakı. 26 Fevral. REPORT.AZ/ Ümumdünya boks seriyası qrup mərhələsinin 6 turundan sonra növbəti reytinqi açıqlayıb.
"Report"un Sportbox-a istinadən verdiyi məlumata əsasən, 60 kq-dək çəki dərəcəsində azərbaycanlı idmançı Albert Səlimov 15 xalla Rusiya təmsilçisi Adlan Abduraşidovla 1-2-ci yerləri bölüşdürür.
Arslanbəy Mahmudov isə (91 kq-dan yuxarı) 15 xalla xorvatiyalı Filip Xrqoviçlə liderliyi bölüşdürür.
Bundan əlavə ilk 5-liyə Məhəmməd Qurbanov (56 kq), Heybətulla Hacıəliyev (64 kq), Soltan Miqitinov (81 kq) və Abdulqədir Abdullayev (91 kq) daxildirlər.