​Azərbaycanın taekvondo millisi Avropa çempionatında 6-cı yeri tutub

Bakı. 24 may. REPORT.AZ/ İsveçrənin Montrö şəhərində keçirilən Avropa çempionatı başa çatıb.

"Report" xəbər verir ki, Azərbaycan yığması komanda hesabında Serbiya ilə 6-cı yeri bölüşüb.

Azərbaycan milli komandası yarışı bir dəst medalla başa vurub. Komandada Milad Beigi Harçeqani (80 kq) qızıl, Patimat Abakarova (53 kq) gümüş, Payam Qubadi Uqaz (87 kq) bürünc medal qazanıb.

Avropa çempionatında birinci yeri Böyük Britaniya, ikinci yeri Türkiyə, üçüncü yeri Rusiya, dördüncü yeri Belçika, beşinci yeri Xorvatiya tutub.