Azərbaycanın futzal üzrə milli komandasının baş məşqçisi istefa verib

Bakı. 19 aprel. REPORT.AZ/ Futzal üzrə Azərbaycan milli komandasının baş məşqçisi Peres Moreno Qomes Faustino istefa verib. "Report"un AFFA-nın rəsmi saytına istinadən verdiyi məlumata görə, ispaniyalı mütəxəssis öz istəyi ilə vəzifəsindən ayrılıb. 

O, Azərbaycanda çalışmaqdan məmnun olduğunu bildirməklə, ailə vəziyyəti ilə əlaqədar AFFA rəhbərliyindən müqavilənin qarşılıqlı razılıq əsasında yenilənməməsini xahiş edib. AFFA rəhbərliyi isə öz növbəsində Peres Moreno Qomes Faustinoya gördüyü işlərə və yığmaya qazandırdığı uğurlara görə təşəkkür edib, gələcək fəaliyyətində uğurlar arzulayıb.