Azərbaycan millisinin baş məşqçisi: "Şanslardan istifadə edə bilməyəndə, rəqibin təzyiqi ilə üzləşirdik"

Bakı. 16 sentyabr. REPORT.AZ/ "Ümumilikdə yaxşı oyun oldu. Biz də yaxşı oynadıq. Amma belə qarşılaşmalarda nəticəni kiçik detallar həll edir".

"Report" xəbər verir ki, bu sözləri futzal üzrə dünya çempionatının final mərhələsində keçirilmiş Azərbaycan – İspaniya oyunundan sonra Azərbaycan millisinin baş məşqçisi Milton Luis Ziller Junior deyib.

O, qeyd edib ki, Azərbaycan millisi bəzi imkanlardan istifadə edə bilməyib: "Bugünkü oyunun nəticəsini müəyyənləşdirən əsas amil ispanların bizə nisbətən yaradılan qol epizodlarından daha dəqiq yararlanması oldu. Biz əldə etdiyimiz şanslardan istifadə edə bilməyəndə, dərhal rəqibin ciddi təzyiqi ilə üzləşirdik”.