Bakı. 27 avqust. REPORT.AZ/ Futzal üzrə Avropa çempionatının "play-off" mərhələsinə hazırlıq məqsədilə Azərbaycan milli komandası bu gün Türkmənistan yığması ilə növbəti yoldaşlıq oyunu keçirəcək. "Report"un məlumatına görə, ABU Arena-da təşkil olunacaq oyun saat 18:00-da başlayacaq.
Qeyd edək ki, bu komandalar arasında avqustun 25-də keçirilmiş yoldaşlıq oyunu Azərbaycan millisinin 5:0 hesablı qələbəsi ilə başa çatmışdı.